На 24 март во рамките на проектот „Место за растење“ се одржа работилница со цел зајакнување на капацитетите на претставници од локалните самоуправи, градинки, основни и средни училишта од Виница, Дебар, Гостивар, Велес и Кисела Вода во организирање средби со деца и млади.
Во рамки на работилницата, посебен акцент беше ставен на разработка на еден од ресурсите од Е-библиотеката на проектот, кој предизвика најголем интерес кај учесниците – креирање средина во која децата се чувствуваат почитувано, безбедно и слободно да го искажат своето мислење.
Што опфати работилницата?
- Подобрување на вештините за консултации со деца
- Создавање безбедна и поддржувачка атмосфера за нивно учество
- Организирање средби меѓу деца, млади и носители на одлуки, особено во ризични ситуации
- Запознавање со Е-библиотеката – ресурсите и можностите што ги нуди
- Размена на идеи за нејзино унапредување
Општините покажуваат ангажман и посветеност кон создавање подобри можности за децата, а ние остануваме мотивирани да ја продолжиме оваа мисија!